درپسې وژاړم بشير احمد ګواښ : بوسټن، امريکا د تول افغان له سایت څخه مورې ته راياده شي او ښه درپسې وژاړم سترگې مې ملگرې وي له زړه درپسې وژاړم باد دروازه بېرته کړي ګمان کوم چې راغللې منډه کړم د کور تر کوزه وره، درپسې وژاړم زما په يوه چيغه به دې زړه سينې نه ولوېده اوس نو ولې نه راځي چې زه درپسې وژاړم هغه ورځ مې بده وي چې تا راياده نه کړمه هغه شپه مې خوب نه وي چې نه درپسې وژاړم ډېره موده وشوه چې احوال له تانه نه لرم خوب کې به مې راشي مورې، که درپسې وژاړم